2013-imi tunisassiornermi atuinerilu tabeli

Januaarip arfernani 2017-imi tunisassiorneq aallaavigalugu nuna tamakkerlugu naatsorsuutit saqqummiunneqarnerannut uiggiullugu, Naatsorsueqqissaartarfik matumuuna tunisassiornermi atuinermilu (Input-Output) tabelimik saqqummiussivoq, ukiumi inaarutaasumik naatsorsuuteqarfiusumut.

 

Input-Output tabelinik suliaqarnerup siunertaraa, atuisartut periarfissinniarlugit kisitsisinik paasissutissanik taavalu misissuinerni paasisimalikkanik, tunisassiorneq aallaavigalugu nuna tamakkerlugu naatsorsuutininngaaneersunit, atuilluarnerusinnaanissaat.

 

Input-Output tabel suua?

Input-Output tabelip imarivai paasissutissat inuiaqatigiit tunisassioriaasiannut tunngasut, taavalu nioqqutissianik kiffartuussinernillu atueriaatsinik tunngasut. Taamaalilluni tabelit nuna tamakkerlugu naatsorsuutinut erseqqissaanertut isigineqarsinnaapput.

 

Tabelimi takuneqarsinnaavoq inuutissarsiorfiit ataasiakkaat nioqqutissanik sullissinernillu inuutissarsiorfinnit allaniit pissarsisarnerat, aammalu nioqqutissanik sullissinernillu avataaniit eqqussukkanik pissarsisarnerat. Aammattaaq tabelimi takuneqarsinnaapput atueriaatsit, soorlu inuinnaat, pisortat imaluunniit aningaasaliinerit, inuussutissarsiuteqarfinniit ataasiakkaaniit nioqqutissanik nammineq tunisassianik taavalu eqqussukkanik pissarsisarnerat.

 

Saqqummersitanittaaq takuneqarsinnaapput amerlisaatinik (multiplikatorer) taaneqartartut, tassaasut Input-Output tabeli tunngavigalugu naatsorsugaasartut. Amerlisaatit atorlugit naatsorsorneqartarput, toqqaannartumik toqqaannanngitsumillu sulisoqarnikkut atorfissaqartitsinerup aammalu nioqqutissanik sullissinernillu eqqussuinerulernissamik pisariaqartitsinerup qanoq annertutigisinnaaneri, atorfissaqartitsineq ataatsimik qaffakkaangat.

 

Pdf-fiili

Sqqummersitaq pdf-fiilinngorlugu Naatsorsueqqissaartarfiup nittartagaani www.stat.gl-mi pissarsiarineqarsinnaavoq.

 

Excel-fiili

Input-output tabelit aammattaaq excel-fiilinngorlugu Naatsorsueqqissaartarfiup nittartagaani www.stat.gl-mi aaneqarsinnaavoq.

 

Apeqqutissaqaruit Naatsorsueqqissaartarfiup pisortaa Anders Blaabjerg e-mailikkut abla@stat.gl (oqarasuaat 34 57 81) saaffiginnissinnaavutit.

 

 

Inussiarnersumik inuulluaqqusillunga

 

Anders Blaabjerg

Naatsorsueqqissaartarfiup pisortaa